LUNES, September 16, 2019 nang ipalabas ang pilot episode ng bagong Kapuso teleserye na “The Gift” na pinagbibidahan ni Alden Richards. Katapat nito ang ABS-CBN hit teleserye na “The General’s Daughter” na tatlong linggo na lang ay magtatapos na.

Noong araw na unang umere ang “The Gift,” nakakuha lamang ito ng 16.5%, samantalang ang “The General’s Daughter” ay nakakuha ng 32.2%, o 15.7 na mas mataas sa teleserye ni Alden. Matatandaang ang pilot episode ng isa pang Kapuso teleserye, ang “Beautiful Justice,” ay tinalo rin ng hindi matinag-tinag na Kapamilya teleserye na “FPJ’s Ang Probinsyano” ni Coco Martin.